سفة تقليدية بالبيض

المكوّنات    

كيلو كسكس

4 مغارف كبار زيت

لتر ماء

2مغرف صغار ملح

زبدة

زبيب

بيض للتزيين

الخطوات    

تفوار الكسكس : انا طريقتي ندير في الكيلو كسكس لتر ماء و 2مغرف صغار ملح و نغطيه 4 دقائق يشرب هاداك الماء نديرله 4 مغارف كبار زيت و نحله بين يديا و نديره في الكسكاس فوڨ الڨدرة يفور

لما يفور الفورة الاولى نديره في الڨصعة تاعي و نشمخه بشوية ماء انا نديرله ماء دافي قد كاس و يختلف من كسكس لكسكس نخليه شوية يشرب و نحله بين يديا و هو حامي و نفوره ثاني مرة

في الفورة الخيرة ندهن الكسكس بالزبدة و نديره يفور مع الزبيب و راه وجد معانا

و التزيين كيما اي مثل تبغو